（真人真事）
唔知大家有冇試過，尾班車時由「尖東站」行去「尖沙咀站」。
有次我睇完戲，諗住趕尾班車，就由尖東站行落去。
當晚好奇怪，尖沙咀都算係旺區，成個港鐵站無晒乘客。
我依照指示牌一直向尖沙咀站行，起初我無為意就一邊行一邊撳手機。
但行咗成十分鐘，我抬起頭一望，點解行極都未去到？！
當時我企咗喺一個分岔路口，只見到兩邊都係條長到望唔見盡頭既走廊。
我開始有啲驚，好彩手機仲上到網，我立即上網搵人求救，仲影晒相問網友應該點先可以出得返去。
有啲網友好熱心，但我跟住佢地教路，都係走唔返出去尖沙咀站。
.
有網友建議我開直播，慢慢教我行，但我唔想浪費電力。萬一我真係被困喺車站，起碼都可以打電話報警求救。
最後，我決定求其搵個出口，上返地面。
我見到前面有個尖東站Ｎ３出口，於是立即轉上去，但當我行到出口面前，我就停低咗腳步。
因為眼前嘅空間好似被完全扭曲咗咁，地板高低起伏，顏色仲非常怪異，黑白間交替。
我知道眼前嘅一切都係幻覺，我亦有預感如果再留喺港鐵站，就永遠都返唔到出去。
於是我膽粗粗向前行，爬上面前隆起嘅黑白間小山谷。
料想唔到，地板唔單止顏色怪異，踩落去軟淋淋，令我寸步難行，根本唔係一般地球屬有嘅材質。
幾經辛苦，我跨過咗兩座小山，避過深坑，見到前面遠處有個女人…
佢見到我立即喝止住我。
「喂！後生仔，呢個時間唔可以畀你亂入黎㗎！」
見佢馬步四平八穩，一定唔係呢個空間既人類！幸好佢識得講人類既語言，我可以同佢溝通到。
「我係地球人，想上返地面啊！」
「我夠係地球人。」
「哦！唔通你被困喺呢度？！」眼前呢個女人滿臉皺紋，我猜想佢已經係異空間困左幾十年。
「你都痴線，我做清潔㗎！」
「清潔？！呢度係邊度…？」
「呢度係K11 FAIRYLAND PLAYSCAPE入。」
「K11…？！咁點解你頭先話唔可以亂入黎啊？！」
「因為過咗營業時間啊！你入黎又唔除鞋，我又要再抹過喇！」
「對、對唔住…但可唔可以教我點行返出去尖沙咀站。」
「直行咪到囉，頭先我見你不停轉彎掛住玩手機，都唔知係咪運吉！」
「哦…唔好意思，打擾晒。」
如果大家都想黎親身感受下墮入異世界既感覺，可以喺以下時間日過黎挑戰下！（溫馨提示：唔好掛住玩手機）
日期:9月13日 –10月31日
時間:12:00nn – 10:00pm
地點:chi K11 藝術空間(B2/F)
購票及詳情: http://bit.ly/2Oyq03E
.
#K11hk #K11DesignMonth #K11FuturePlayscape
Search